వచ్చే ఎన్నికల్లో 50-60 స్థానాల్లో జనసేన పోటీ: ఎమ్మెల్యే బొలిశెట్టి

రాబోయే అసెంబ్లీ ఎన్నికల్లో జనసేన తరఫున 50 నుండి 60 స్థానాల్లో పోటీ చేసేందుకు ప్రయత్నాలు చేస్తామని తాడేపల్లిగూడెం ఎమ్మెల్యే బొలిశెట్టి శ్రీనివాస్ తెలిపారు. అమలాపురంలో మాట్లాడిన ఆయన, తెలుగు రాష్ట్రాల్లో కాపులు మరియు పవన్ కళ్యాణ్ లేకుండా రాజకీయాలు ఉండవని స్పష్టం చేశారు. పవన్ కళ్యాణ్ నాయకత్వం వల్లే కాపు సామాజికవర్గానికి సరైన గౌరవం దక్కుతోందని పేర్కొన్నారు.ఇక కూటమి పార్టీల మద్దతుతో, జనసేన పార్టీ బలంగా ఉన్న ప్రాంతాల్లో రాబోయే స్థానిక సంస్థల ఎన్నికల్లో కూడా పోటీకి దిగుతామని ఎమ్మెల్యే బొలిశెట్టి వివరించారు.